Ижтимоий тармоқларда «Яшил макон» дастури бўйича юртимизни кўкаламзорлаштириш давом этмоқда!» сарлавҳаси остида сурат тарқалди.
Бу усул «HYDROSEEDING» сув пуркаш йўли билан кўчаларга янгича усулда гул ва ўт экиш ҳисобланади. Экилган уруғлар 2 ойда гуллайди. Бу усулда экилган гуллар ноябрь ойига қадар сақланиб қолади. Ўтлар эса тез ривожланиб, униб чиқади.
Америка, Европа ва Туркия давлатларида бундай гул экиш усулидан кенг қўлланилмоқда. Яшил майдонлар қуриш, йўлларни реконструкция қилишда кўкаламзорлаштириш масалаларини ҳал этишда энг илғор ва самарали технологиялардан биридир.
Бу усул орқали уруғ ва фойдали сувни аралаштириш орқали ҳосил бўлган моддани тик ва бошқа йўллар билан бориш қийин бўлаётган ерларга ёйиш ва пуркаш мумкин.
Бундан анча олдин ижтимоий тармоқларда Қашқадарё вилояти маъмурий маркази Қарши шаҳрида йўл бўйидаги чимлар яшил рангга бўяб чиқилаётгани акс этган фото ва видеолар тарқалган эди. Бу ҳолатда ҳақиқатдан сарғайган чимлар бўялганди.