Бугунги кунда ёшлар ҳаётида тарбиявий роллари билан танилиб келаётган Фотиҳ Насимов ўзининг фасебоокдаги шахсий саҳифасига “Охотник и добыча, в жизни часто меняются местами…” номи билан қўлида овланган Каклик ва Қуёнини ушлаб турган ва оловда пишиб турган Қуён суратини эълон қилган. Нима актёрларимиз орасида овчилик борасида челенж эълон қилинганми?
Фотиҳ Насимовнинг ов қилиш борасида лицензияси бор деган умиддамиз. Бундан олдин каналимизда актёр Маҳмуд Турсуновнинг инстаграм саҳифасида лочиннинг боласини икки оёғи қалин иплар билан боғлиқ ҳолатда ушлаб тургани акс этган видеони эълон қилиб қушнинг Қизил китобга киритилгани ва уни озод қилиш борасида аниқ фактларни берган эдик, аммо Госкомэкологиядан негадир ҳалигача унга нисбатан ҳаракат йўқ.
Голливуд ва Болливуд юлдузлари миллионлаб ишлаб топган гонорарларини табиатни асраш, жониворларга ёрдам беришга сарфлашади. Буларга Леонардо Ди Каприо, Пэрис Хилтон, Орланда Блум, Джонни Дэпп, Джастин Тимберлейк, Амитабх Баччан ва бошыаларни келтириш мумкин. Бизнинг актёрлар эса бунинг акси. Ўйнаган роллари чиройли бўлган актёрларимизнинг ҳаётдаги ҳаракатлари ҳам гўзал, маънили, тарбиявий аҳамиятга эга бўлишини истар эдик. Чунки минглаб ёшлар айнан актёрнинг хатти-ҳаракатларига тақлид қилишади, улар қилган ишларни қайта қилишга шошилишади.
Ҳурматли шоу бизнес ва кино юлдузлари! Бир тийинингизни табиатни асраб қолиш учун сарфлашга қизғанасиз. Пулингизни қаерга сарфлашга ақл ўргатмоқчи эмасмиз. Аммо илтимос, ҳеч бўлмаса, жониворларни ўлдириб, ёшларга ўрнак бўлманг!
🍀 Каналимизга уланинг 👇.
Присоединяйтесь к нашему каналу
👇 https://t.me/ekologuz