Арнасой тумани ички ишлар бўлими ходимлари томонидан ўтказилган тезкор тадбир натижасида балиқ маҳсулотларини ноқонуний ташиш билан боғлиқ ҳуқуқбузарлик ҳолати аниқланди. Бу ҳақда Жиззах вилояти ИИБ ахборот хизмати хабар берди.
Туманнинг Б.Файзиев маҳалласи ҳудудида ташкил этилган тўсиқ постида Зафаробод йўналишида ҳаракатланиб келаётган Пахтакор тумани, Сувонобод маҳалласида истиқомат қилувчи 1984 йил туғилган Б.О.нинг бошқарувида бўлган Кобальт русумли автомашина тўхтатиб текширилганда, 15 дона 35 килограмм балиқ маҳсулоти ноқонуний ташиб кетилаётгани маълум бўлди.
Ҳуқуқбузар балиқ маҳсулотини Чинобод маҳалла фуқаролар йиғинида яшовчи 1994 йил туғилган Д.Л. дан 945 минг сўм пул эвазига сотиб олганлиги маълум бўлди.
Ҳолат юзасидан туман ИИБ суриштирув ишларини олиб бормоқда.
Телеграм каналимизга уланинг. https://t.me/ekologuz